Onlardan 3-ü – Yaqut Məmmədova, Ağca Məmmədova və Nuriyə Axundova qızdır. Oğlan kayakçılarımızın tərkibində isə Mirnazim Cavadov, Vahid Həsənov, Rüfət Vəlizadə, Tamerlan Mustafayev, Ramil Məmmədov kimi nüfuzlu beynəlxalq yarışların iştirakçıları və Boqdan Qlazov, Aleksandr Piçugin, Yasin Əhmədov, Amil Hüseynov kimi perspektivli idmançılar yer alıb.

Oktyabrın 26-dək davam edəcək toplanış noyabrın ortalarında keçiriləcək ənənəvi Beynəlxalq Mingəçevir reqatasına hazırlıq xarakteri daşıyır.

Qeyd edək ki, artıq 16 akademik avarçəkənimiz də baş məşqçi Rudiger Hauffe, məşqçilər Samir Məmmədov və Janna Məmmədovanın rəhbərliyi altında Mingəçevirdə təlim-məşq toplantısındadırlar. Onların hazırlıq prosesi oktyabrın 17-də yekunlaşacaq.