Sergey Bezuqlıy – Maksim Prokopenko duetindən dünya çempionatında daha bir final - 21 August 2010

AMAF » 2010 » Avgust » 21 » Sergey Bezuqlıy – Maksim Prokopenko duetindən dünya çempionatında daha bir final

21:34 Sergey Bezuqlıy – Maksim Prokopenko duetindən dünya çempionatında daha bir final
Polşanın Poznan şəhərində keçirilən kayak və kanoe qayıqlarında avarçəkmə üzrə dünya çempionatında Azərbaycan təmsilçiləri Sergey Bezuqlıy və Maksim Prokopenko uğurlu çıxışlarını davam etdirirlər. 2 nəfərlik kanoe qayığı (C-2) ilə mübarizə aparan Bezuqlıy – Prokopenko dueti 200 metr məsafəyə yürüşdə də əsas finala yüksəlib. Azərbaycanlı cütlük seçmə mərhələ yürüşündə 2-ci yeri tutaraq, yarımfinala çıxıb. Növbəti mərhələdə isə idmançılarımız yenə eyni nəticəni göstərib və həlledici yürüşdə iştirak hüququ qazanıb. Seçmə mərhələdə 200 metr məsafəni 38 saniyə 468 mikrosaniyəyə qət etmiş Bezuqlıy – Prokopenko dueti yarımfinalda finişə 0,631 saniyə tez çatıb. Beləliklə, Sergey Bezuqlıy – Maksim Prokopenko dueti dünya çempionatında çıxış etdiyi hər üç məsafədə finalda çıxış etmək hüququ qazanıb. Artıq 1000 metr məsafəyə final yürüşünü 5-ci pillədə başa vuran kanoeçilərimiz avqustun 22-də 500 metr və 200 metr məsafələrə həlledici yürüşlərin iştirakçıları sırasında olacaqlar. Bezuqlıy – Prokopenko cütlüyü Bakı vaxtı ilə saat 14:14-də 500 metr, saat 16:29-da isə 200 metr məsafəyə final yürüşünə qatılacaq. Texniki nəticələr Kayak və kanoe qayıqlarında avarçəkmə üzrə dünya çempionatı 2 nəfərlik kanoe qayığı (C-2) Məsafə: 200 metr Seçmə mərhələ 1. Yevgeni İqnatov – İvan Ştıl (Rusiya) – 36.980 2. Sergey Bezuqlıy – Maksim Prokopenko (AZƏRBAYCAN) – 38.468 3. Pavel Skovronski – Pavel Baraşkeviç (Polşa) – 38.784 4. Alexandru Dumitresku – Viktor Mixalaki (Rumıniya) – 38.848 5. Vyaçeslav Stepanov – Comərt Satubaldin (Qazaxıstan) – 39.076 6. Gerasim Koçnev – Serik Mirbekov (Özbəkistan) – 40.208 7. Conatan Tafra – Fabian Lopes (Çili) – 40.548 1-ci yerin sahibi birbaşa əsas finala, 2 – 7-ci yerləri tutanlar yarımfinala çıxıb. Yarımfinal 1. Roleksis Baes Avila – Sergey Torres Madriqal (Kuba) – 37.729 2. Sergey Bezuqlıy – Maksim Prokopenko (AZƏRBAYCAN) – 37.837 3. Vey Ji Li – Hui Donq (Çin) – 38.297 4. Endryu Russell – Qabriel Boşezn-Sevinyi (Kanada) – 38.773 5. Vitali Verxeles – Denis Kamerilov (Ukrayna) – 39.021 6. Gergeli Kovaç – Atilla Veq (Macarıstan) – 39.237 7. Conatan Tafra – Fabian Lopes (Çili) – 40.013 8. Vyaçeslav Stepanov – Comərt Satubaldin (Qazaxıstan) – 40.129 9. Boqomil İvanov – Georgi Velinov (Bolqarıstan) – 40.793 İlk 3 yerin sahibi əsas finala yüksəlib.
1 2 3 4 5 Kategoriya: Kayak \| Baxılıb: 93 \|